Dinnungpar ti China Coast Guard (CCG) ti barko ti Bureau of Fisheries and Aquatic Resources (BFAR) a BRP Datu Magat Salamat ita nga aldaw iti baybay a masakupan ti Palawan bayat iti panangitulod ti BFAR iti fuel subsidy kadagiti mangngalap a Pilipino idiay West Philippine Sea.
Sigun iti Philippine Coast Guard (PCG), gapu iti impact ti napasamak, nadadael ti starboard side wenno makikannawan a paset ti barko ti BFAR,
Naikat metlaeng dagiti railings, metal support, deck fixture, ken dadduma pay a parte ti nasao a barko.
Napasamak ti insidente itay kanikadua kalpasan a balligi a naiya-on ti BRP Daty Magat Salamat manipud iti pannaka-stuck na iti Hasa-Hasa Shoal.
Agtultuloy met ti panagbantay dagiti otoridad kadagiti sitwasyon dagiti tao iti nasao a barko ken nakikoordinarda metlaengen kadagiti maseknan nga ahensya para iti sumaruno nga addang nga aramidenda.
