Kinidaw dagiti house leadersiti publiko sa liklikanda a mangishare wenno mangirepost kadagiti graphic photos, videos, ken saan a naberipikar nga impormasyon seknan iti napasamak a shooting incident idiay Banga National High School idiay South Cotabato.
Sigun kenni House Speaker Faustino “Bojie” Dy III, rumbeng metlaeng nga agbalin a resposable ti publiko iti social media bayat nga agtultuloy ti imbestigasyon dagiti otoridad.
Impettengna a ti saan a panangiwaras kadagiti related graphics ket kas panangipaay iti respeto kadagiti biktima ken pamilya dagitoy.
Kabayatanna, nangipila metten da Dy ken majority leader Sandro Marcos iti House Bill No. 11387 wenno Responsible Firearm Ownership and Safe Storage Act a panggepna a paingeten ti panangsafeguard kadagiti paltog tapno maliklikan ti panang-access ken panangaramat iti daytoy dagiti dadduma nangnagruna dagiti menor de edad.
Ti met insidente ti pammaltog idiay Bangan National High School ti maikatlon a fatal school shooting iti pagilian iti las-od laeng ti uppat a bulan ita a tawen.
