Binabalaw ni Sen. Panfilo ‘Ping’ Lacson ti nagbalin nga statement ni Department of Public Works and Highways (DPWH) Secretary Vince Dizon nga awan ti ghost projects idiay Taguig City.
Nu sublianan ti immunan a panagdengngeg ti Senate Finance Committee para iti 2027 proposed budget ti ahensya, impetteng ni Dizon nga awan ti anyaman a ghost project idiay Taguig.
Kasaruno daytoy iti panangdamag ni Sen. Alan Peter Cayetano iti nasao nga opisyal nu adda dagiti ghost projects a nakitada idiay Taguig.
Impetteng met ni Dizon ng awan ti nakitad maibasar iti mannarimaan a rekord ti ahensya.
Nupay kasta, sigun kenni Senator Lacson, saan a maitunos ti dinakamat ni Dizon iti site inspection report nga insumitir ti mismo nga ahensya.
Sinublian pay ti senador ti linaon ti inspection reports a mangipakita kadagiti sumagmamano a flood control projects idiay Taguig.
Innayon pay daytoy a rumbeng ketdi a maimbestigaran dagiti immunan nga impormasyon nga impablaak ti DPWH seknan kadagiti public infrastructure iti nasao a siudad.
