Inwaragawag ni Ukraine President Volodymyr Zelenskyy a niraut ti Russia ti agarup innem nga energy facilities sadiay Ukraine.
Daytoy ket iti laksid nga inwaragawag ni U.S President Donald Trump nga immanamong ti dua a pagilian para iti energy ceasefire.
Sigun kenni Zelenskyy, pammaneknek daytoy a saan nga interesado ti Moscow iti nasao nga energy ceasefire.
Karaman kadagiti natamaa iti drone attacks ti maysa a pasilidad ti gas ken maysa a gasolinaan.
Kabayatanna, inyebkas dagiti kaalyado ti Ukraine sadiay Europa ti panagduadua iti energy ceasefire agsipudta awan ti nalawag a pammatalged manipud iti Russia ken Ukraine.
Kagiddan iti dayta, pinasingkedan manen dagiti pagilian sadiay Europa ti suportada iti Ukraine ken inaprobaranda ti kadakkelan a European Union (EU) sanctions kontra iti Russia.
