Mannarimaan ti imbestigasyon ti kameng ti Tuba Municipal Police Station (TUBA MPS) iti napasamak a Recklees Imprudence in Multiple Physical Injuries and Multiple Damages to Properties idiay Badiwan New Bridge iti paset ti Marcos Highway, Badiwan, Poblacion, Tuba, Benguet iti 9:20 PM idi kalman, October 15, 2026.
Maibasar iti report a nakalap ti Bombo Newsteam manipud kadagiti otoridad, maysa a lugan nga Innova ken dua a motor a Honda XRM ti nairaman iti nasao nga insidente.
Nabigbig ti driver ti lugan a 23-anyos a lalake, agdama a residente ti Magsaysay, Baguio City bayat a dagiti dua a driver ti motor ket saan pay a nabigbig (as of 5:00 today).
Iti initial nga imbestigasyon ti pulisya, paturong iti siudad ti Baguio ti lugan no sadinno apaman a nadanun na ti nakapasamakan ti insidente partikular iti medyo kurbada a paset ti rangtay, inobertakenna ti maysa a pick-up truck. Nupay kasta, dita metten a gundaway a nasabat ken nadungparna ti lugan ti sumungsungad a dua a motor.
Gapu iti impact ti insidente, nagsagrap kadagiti severe injuries ken awananen iti puot dagiti dua a biktima, bayat a saan met a naan-ano ti driver ti lugan.
Naiturong met iti ospital dagiti biktima babaen iti Tuba MDRRMO.
Nagsagrap met ti heavy damages ken undetermined cost dagiti amin a lugan.
Iti agdama, adda iti kustodiya ti kapulisan ti dua a motor bayat a ti lugan ket naipa-igid idiay Badiwan New Bridge, Marcos Highway
As of 5:00 ita nga agsapa, awan pay ti update a nakalap tayo nangruna iti situasion dagiti biktima gapu ta mannarimaan paylaeng ti imbestigasyon ken panangfollow-up iti kameng ti pulisya iti napasamak nga insidente. //via Bombo Noveh Organo
