--Ads--
Inwaragawag ni Ombudsman Jesus Crispin Remulla a dandani a maipila ti kaso kontra kada Senador Loren Legarda ken ti anakna a ni Batangas Representative Leandro Leviste.
Daytoy ket mainaig iti pannakapaay ti solar company ni Leviste a mangipaay iti suplay ti koriente.
Nupay kasta, saan nga impaay ni Remulla ti espesipiko a petsa a pannakaipila ti kaso.
Inyunay-unay ni Remulla a dagiti kaso ket naibasar iti ebidensia ken saan nga iti politika.
Innayon pay ti Ombudsman a ti napaut a panagyan da Legarda ken ti anakna iti ballasiw-taaw ket saan a makatulong iti kaso dagitoy.
Sigun iti ahensiya, rumbeng a sanguen ti agina dagiti alegasion imbes a liklikan dagitoy.
