--Ads--
Nawaya-wayaanen ni Atty. Levi Baligod ken dagiti uppat a maatap a sigud a bodyguard ni ex-Rep. Zaldy Co kalpasan a nakapagpiyansa dagitoy.
Daytoy ket kasaruno ti pannakaarestar dagitoy sadiay San Juan City gapu iti kaso nga unjust vexation.
Kabayatanna, saan paylaeng a nakapagpiyansa dagiti 10 pay nga ex-bodyguard agsipudta nagawiden dagiti staff ti korte.
Maipalagip a kinumpirmar ti hepe ti San Juan City Police chief a ni Police Colonel Anthony Gantang, a naarestar ni Baligod ken dadduma pay iti San Juan Hall of Justice agarup 9:30 a.m. idi Biernes.
Adda ni Baligod iti Hall of Justice tapno dumar-ay iti court hearing idi naarestar babaen iti warrant of arrest nga impaulog ti Iba, Zambales Regional Trial Court Branch 69.
