Ginuyugoy ti Department of Trade and Industry-Cordillera Administrative Region (DTI-CAR) dagiti lokal a gobierno iti rehion CORDILLERA a mangipaulog iti ordinansa a mangiparit iti panagilako kadagiti sublimated clothing ken apparel aramat dagiti kopya a disenyo dagiti Indigenous Peoples.
Sigun kenni DTI-CAR Regional Director Atty. Raymond Panhon, panggep daytoy a masalakniban dagiti abel, disenyo, ken dagiti producer iti rehion manipud iti saan a nainkalintegan a panangaramat kadagiti orihinal a disenyoda.
Sigun kenkuana, napateg ti panagtignay dagiti LGU tapno adda ti nalawag a pagannurotan a mangsalaknib kadagiti tradisyonal a disenyo ken produkto dagiti lokal a managabel.
Kagidan dayta, ginuyugoyna dagiti lokal a manag-abel a mangirehistroda kadagiti disenyoda tapno maaddaan dagitoy iti intellectual property protection.
Babaen iti panagparehistro, adda basaran dagiti agtagikua iti disenyo a mangaramid kadagiti legal a tignay iti kanito nga ada iti mangkopia wenno mangaramat kadagiti inaramidda nga awan ti pammalubos.
Ti intellectual property ket mangsaklaw kadagiti karbengan dagiti tao wenno grupo iti bukodda a disenyo, produkto, ken dadduma pay.
Nupay kasta, ti klase ti proteksion a maited ket adepende iti kasasaad ti disenyo ken iti maipakat a paglintegan, gapu ta saan a dagus a kayat a sawen nga a maaddaan a dagos iti eksklusibo a karbengan ti maysa nga inidbidual iti maysa a disenyo apaman a nagparehistro daytoy.
Nagbalin daytoy nga isyu gapu ta ita a panawen, naoberbaran nga adun dagiti agar-aramat, nangruna dagiti government offices, dagiti sublimation uniform nga addaan desiyon a traditional patterns.
Ti sublimation printing ket maysa a pamay-an ti panagiprenta a mangiyakar kadagiti disenyo iti tela kadagiti naimprenta a t-shirt, jacket, ken dadduma pay a kawes.
Dagiti tradisyonal a pattern ket saan laeng a dekorasion, nu di ket mabalin a mangipakita iti pakabigbigan, pakasaritaan, pammati, ken kultura dagiti komunidad a nangipasa kadagitoy manipud kadagiti kaputotan.
Gapu iti daytoy, impeksa dagiti Indigenous People a ti saan a nainkalintegan a panangusar kadagiti disenyo ket mabalin a makaapekto iti pagbiaganda no sadino mangitunda pay ti panagbassit dagiti aggatang kadagiti original a traditional weaving shirts.
Gapu iti daytoy, masapul a maibilang ti karbengan dagiti komunidad nga Indigenous Peoples, ti pannakaammo kadagiti tradisyonal a disenyo, ken ti umiso a panangusar kadagitoy iti panagaramid kadagiti ordinansa ken dadduma pay a pagannurotan.
Iti kamaudianan, ti panagtitinnulong dagiti LGU, DTI, ken dagiti IPs ket mabalin a makatulong iti panangsalaknib kadagiti tradisyonal a disenyo, panangpasayaat iti lokal a industriya, ken panangitag-ay iti kultura ken pagbiagan dagiti komunidad iti Cordillera.// via Bombo Khey Reparip
