Kinidaw ni Baguio City Mayor Benjamin Magalong iti Ombudsman a rugyanen ti imbestigasyon iti 2024 ken 2025 national budgets.
Impetteng pay daytoy a nasken a maaddaan iti audit ti Commission of Audits (COA) nangruna iti panagngato dagiti unprogrammed appropriations iti sidung ti 2024 ken 2025 national budgets kasta metlaeng iti sumagmamano a provisions iti 2026 General Appropriations Act
Inlawlawag ti Mayor a saanna a kayat a sawen a kasuan ti amin a maseknan nu di ket maidentify nu inya dagiti nairelease ken naaramat a pondo nga adaan ti intent wenno purpose to commit graft and corrupt.
Kinuna ni Magalong a napadasan nan a nagimimbestiga kadagiti sumagmamano a national projects no sadinno nagbalin pay daytoy kas lead investigator iti NIA no sadinno imbinglayna a babaen kadagiti forms wenno dokumento manipud iti COA , makitan nu overprice dagitoy, saan a pumasa ti standards ken daduma pay.
Kabayatanna, kiniddaw na metlaeng iti Ombudsman a rugianda metlaengen nga imbestigaran ti 2024 ken 2025 national budget.
Sigun kenkuana, nupay naramaten ti pondo, mabigbig latta kadagiti dokumento nu adaan ti anomalya dagiti pondo nangruna nu comprehensibo ti panag-imbestiga dagitoy. //via Bombo Vy Organo
