Impeksa ni Peter O. Wasing, National Parent-Teacher Association Chairman nga agarup 36 a pagadalan iti siudad ti Baguio addaan ken nangrugin a nangiyemplementar iti Kaagapay Taskforce program.
Iti pannakiuman ti Bombo Newstea kenkuana, imbinglayna a kalpasan ti pannaka-iyuswat ti nasao a programa sadiay Adiwang Integrated School, dagos met daytoy a napalawa.
Inladawan ni Wasing dagiti parentes kas nga aktibo ket awan pay ti parikut a napasaran dagitoy sipud nangrugi ti implemetasyon ti nasao a programa.
Sigun iti opisyal, kalpasan a makumpleto ti kaadda ti programa iti siudad ti Baguio, maipa-amammo daytoy iti sabali a lugar iti Rehion Cordillera ken dadduma pay a lugar.
Innayunna pay nga adan ti nawatda nga imbitasyon manipud La Union, Pampanga, ken dadduma pay seknan iti nasao a programa.
Mainaig ti dayta, agtultuloy ti orientation panggep ti Kaagapay Task Force kadagiti dadduma pay a pagadalan.
Nupay kasta, panggep dagitoy nga agaramid iti handbook a maibati kadagiti pagadalan malaksid ti Kaagapay Toolkit kalpasan iti orientations.
Inlawlawag met ni Wasing a ti Kaagapay Taskforce ket buklen dagiti volunteers ken parentes a naayat a tumulong ken ag-asistar iti panangsalwad ti pagadalan, agmonitor ken dadduma pay.
Kabayatanna, imbinglay ti opisyal a maysa kadagiti bambantayan ti Task Force ket to bullying no sadinno kinuna ni Wasing a maysa a whole society approach concern ti bullying no sadinno agserbi kas katulungan ti pagadalan ken kapulisan dagiti nagannak.
“Dahil parents secures the heart of the issue and their childs’ welfare, and safety is their highest priority, safety begins at home and it extends to the school; and is sustained through this powerful three way partnership”, sigun kenni Wasing. //via Bombo Vy Organo
