Impakaammo ti Philippine National Police (PNP) a saanda pay laeng a nakaaw-awat iti anyaman a senyales iti panagsuko manipud kenni Sen. Bato Dela Rosa.
Daytoy ket tallo nga aldaw sakbay iti intuding ti Department of the Interior and Local Government (DILG) nga ultimatum para iti senador tapno sumuko kadagiti otoridad.
Naideploy metlaengen ti kanayunan a tracker team tapno malocate ti nasao a sendor.
Maipalagip a masarsarak ti nasao a senador gapu iti warrant na manipud iti International Criminal Court (ICC) maipapan iti crimes against humanity mainaig iti kompanya ni sigud a President Rodrigo Duterte kontra iti droga.
Naidatag metten ti P50 Million a pabuya para iti asinoman a makaitudo iti lokasyon ti senador a mangitunda iti pannakaarestar daytoy.
Kabayatanna, impeksa met ti National Bureau of Investigation (NBI) nga agtultuloy ti panagreggetda iti panangsarak iti nasao a senador.
