Nakasaganan ti munisipyo ti La Trinidad, Benguet para iti UNDAS.
Sigun kenni Mayor Roderick Awingan, nakasagana ti pwersa ti pulisya, Municipal Disaster Risk Reduction and Management Council, Bureau of Jail Management and Penology, Bureau of Fire Protection, volunteers ken dagiti Barangay, nangngruna dagiti addaan iti sementeryo.
Agarup 1000 nga otoridad ken volunteers ti maiwaras kadagiti nagduduma a paset ti nasao a munisipyo para iti seguridad ti publiko.
Manamnama nga umadao dagiti tattao iti maudi a lawas ti Oktubre agingga Nobiembre 2.
Impeksa ni Awingan a ma-activate ti emergency operation center ken naka red alert daytoy.
Nagpalagip ti Mayor a maiparit ti panagitugut kadagiti inyaman a natatadem a banag kadagiti sementeryo mangrugi iti Oktubre 31 agingga Nobiembre 2.
Malaksid iti dayta, maiparit metlaeng ti panagluto iti uneg ti sementeryo ken panagitugut kadagiti sound system.
Nagpalagip metlaeng ti opisyal kadagiti addaan iti taraken kas bilang itugutda a surute dagitoy ti pagalagadan seknan iti pet ownership ordinance.
Kinuna pay ni Awingan a maadaan iti liquor ban ti munisipyo manipud iti 12 midnight ti Oktobre 30 aginga 12 midnight ti Nobiembre 2 tapnu nasayaat ti pannakaobserbar ti Undas.
Inyunay-unay metlaeng daytoy ti panagsurut iti traffic scheme nga ipatpatungpal ti pulisya.
Kabayatanna, posible nga adda dagiti sumagmamano a kalsada a one way passable kabayatan ti pannakaobserbar ti All soul’s day ken All saint’s day iti nasao a munisipyo.//Bombo Noveh Organo
