Panggep ti Office of the Prosecutor ti International Criminal Court (ICC) nga aramaten kas ebidensiya dagiti immuna a testimonya dagiti tallo a saksi seknan iti “narco list” ni sigud a President Rodrigo Duterte.
Maibasar iti mosion a naipila idi kalman, kiniddaw ni Acting Prosecutor Mame Mandiaye Niang nga awaten ti Trial Chamber III dagiti testimonia dagiti tallo a testigo a nabigbig kas P-1097, P-1170, ken P-1318.
Sigun kenni Niang, makatulong daytoy tapno mapaneknekan ti criminal liability ni Duterte ken mabigbig dagiti high-value targets ti kampania kontra droga.
Kabayatanna, kiniddaw ti abogado ni Duterte a ni Peter Haynes a maibasura ti kiddaw ti prosekusion.
Sigun kenni Haynes, saan a napateg ti testimonya dagiti saksi ken awan ti umdas nga ebidensiya daytoy.
