Inwaragawag ti Office of the Ombudsman nga adda pay ti uppat a kongresista nga adda iti sidong ti preliminary imbestigation seknan iti naanomalyaan a flood control projects iti pagilian.
Nupay kasta, saan nga innaganan ti opisina dagiti nasao nga indibidual.
Sigun kenni Ombudsman Jesus Crispin Remulla, dumanon iti 79 a kaso ti mainaig iti naanomalyaan a flood control government projects.
Iti nasao a bilang, 25 dagiti addan iti preliminary investigation a naipila iti Sandiganbayan.
Manipud iti 79 a kaso, dumanon iti 67 a personalidad ti akusado, pakairamanan ti maysa a senador, maysa a sigud a senador, uppat a mammanday linteg ken maysa a sigud a kongresista.
Karaman ditoy ti sigud a Department of Public Works and Highways secretary, 39 a DPWH personnel, siam a kontraktor, dua a congressional staff ken siam a pribado nga indibidual./
