Manamnama a maisayangkat ti tignay protesta iti rehion Cordillera kontra iti pannakaibangon ti Pax Silica iti pagilian.
Daytoy ket kagiddan ti ti ASEAN Summit a maipatungpal sadiay Metro Manila intun Nobiembre 16 agingga Nobiembre 18, 2026.
Ngem maipatungpal ti tignay prostesta sadiay metro manila mangrugi inton Nobiembre 11 agingga Nobiembre 16, 2026, aldaw a naituding a dar-ayan ni U.S President Donald Trump.
Sigun kenni Ruel Caricativo- staff manipud iti Tongtongan ti Umili, maurnung amin dagiti publiko sadiay Metro Manila pakairamanan dagiti agtaud iti rehion Cordillera.
Sigun kenni Caricativo, adda ti maipatungpal a tignay protesta iti Baguio-Benguet bayat a maadaan iti diskussion sadiay Kalinga ken Mt. Province seknan iti nasao nga isyu.
Impetteng datoy a nasken a maipadengngeg iti gobierno ti arungaing ti publiko panggep iti nasao nga isyu, nangruna ket nakataya ditoy dagiti “katutubong lupain” ken dagiti minerals ti pagilian a pilipinas
Guyguyuguyen ni Caricativo ti publiko a makipaset iti naduma-duma nga aktibidad a maipatungpal iti siudad mainaig iti daytoy.
Sumagmamano nga aktibidad a manamnama a maipatungpal ket protest of Cordilleran farmers sadiay Department of Agriculture a naituding intun Nobiembre 10; protesta kontra iti development aggression and plunder of ancestral lands iti rehion Cordillera sadiay Deparment of Environment and Natural Resources ken National Commission on Indigenous People intun Nobiembre 11; Nobiembre 13 nga student walkout to kick Trump out and reject Pax silica; diskussion sadiay Mt. Province intun Nobiembre 14 seknan iti Pax silica ken imperialist plunder ken November 16 maadaan ti Trump out protest iti syudad ti Baguio ken dadduma pay nga aktibidad.//Bombo Noveh Organo
