Inturnover ti Munisipyo ti La Trinidad ti sumagmamano a kagawaan iti Federation of Benguet Farmers’ Cooperative itay nabiit.
Nakaawat dagitoy ti maysa a unit iti stainless table, pulverizer, heat gun, ken storage racks, a maaramat para kadagiti value-added post-harvest processing dagiti produkto a nateng no sadinno dumanon ti agarup P45,374.00 ti gatad dagiti nagatang a machines ken tools.
Nagyaman met ni Lamberto Lopez , Manager ti nasao a kooperatiba iti naipaay kadakuada a machines ken tools a makatulong para kadagiti mannalon tapnu malabanan ti parikut a sangsangwenda kas iti panagconvert kadagiti fresh surplus produce iti high value vegatable power a mabalin a baro a pag-incomanda.
Malaksid ti dayta, makatulong metlaeng daytoy iti panagsaganada para posible nga epekto Super El Niño.
Kabayatanna, imonitor metlaeng ti Cooperative Development Services Office dagiti naiturnover a materyales.
Naipatungpal met Memorandum of Agreement iti nagbaetan ti LGU ken ti nasao nga kooperatiba.
Inasistaran met ti Coop Development Officer ken LTMEMPC Chairperson Orlando Pacya ti nasao a turnover ceremony.
