Nainget a tubtubngaren ti sumagmamano a grupo iti rehion Cordillera ti mapampanggep a pannakaipasdek ti Pax Silica sadiay New Clark City, Capas, Tarlac City.
Sigun kenni Ruel Caricativo, staff manipud iti Tongtongan ti Umili, saan dagitoy a kontra iti panagdur-as no diket umanamongda nu ti pilipino mismo ti agnumar.
Inyebkas ni Caricativo a pudno man a makaipaay daytoy iti trabaho, makatulong iti panagprogreso ken dadduma pay a daka-dakamaten ti gobierno ngem gangganaet ti pagserbian ken ad-adda nga agnumar.
“Kung titignan magkaroroon nga ng trabaho pero parang hindi yun ang buong katotohanan” sigun kenni Caricativo
Imbinglay ti nasao nga staff nga adda man dagiti dokumento ken impormasyon a nakalkalapda panggep iti nasao a proyekto ngem limitado daytoy.
Gapu iti dayta, inyebkas ni Caricativo a nasken nga iruar ti gobierno ti amin nga impormasyon, dokumento seknan iti Pax Silica ken agbalin ti gobierno ken opisyales a transparent ken accountable.
Nasken metlaeng a mairaman ti publiko para iti panagdesisyun seknan iti daytoy.
Iti agdama, agtultuloy ti Information, Education, and Communication (IEC) ken panagaramat dagitoy iti social media platforms tapnu maipaayan iti idiya ti publiko.
Maipalagip nga itay nabiit, nangipatungpalda iti diskusion seknan iti manarimaan a kampanya kontra iti Pax silica.
Nakasentro ti topiko dagitoy ti “Kaninong interest ba ang pax silica”.//Bombo Noveh Organo
