Inyunay-unay ni Senate impeachment court presiding officer Francis “Chiz” Escudero iti impeachmen trial ita nga aldaw a mabalin a ma-contempt ken makasuan iti perjury dagiti testigo nga agul-ulbod.
Nagpalagip metlaeng ni Senator -Judge Panfilo “Ping” Lacson nga adda ti bileg ti impeachment court a mangdusa iti asinoman a saan nga agtumpal iti pammilin ti korte.
Sigun kenni Lacson, saan a maakseptar ti kababalin ni Davao City Assesor Jaime Adalin idi kalman nga arigna nga ar-aramidenna nga angaw ti cross-examination.
Kabayatanna, saan paylaeng nga insumitit ni Davao City Assesor Jaime Adalin dagiti dokumento a makidkiddaw seknan iti panagbiyahe daytoy sadiay China idi Enero 2026.
Gapu iti dayta, pinalagipan ni Escudero ti clerk of court nga ipalagipda kenni Adalin nga isumitir daytoy dagiti makidkiddaw a dokumento.
Karaman ditoy dagiti listaan ti sanikua a nainagan kenni Vice President Sara Duterte ken ti asawanna a ni Atty. Manases Carpio.//
