Impetteng ni Lead Defense Counsel Atty. Sheila Sison a maymaysa dagiti sanikua a naideklara iti Statement of Assets, Liabilities, and Net Worth (SALN) ni Vice President Sara Duterte iti inpresenta ti depensa.
Kagidan daytoy iti pananglibakna iti alegasyon ti prosekusyon a nagduma a sanikua ti impresenta dagitoy.
Sakbay dayta, impetteng ngamin ni House private prosecutor Atty. Jay Tolosa a nagduma dagiti detalye ti sanikua a mannarimaan a mataltalantan iti senate impeachment court ken iti sanikua idiay Matina, Davao City.
Nupay kasta, sigun kenni Sison, nalaklaka kuma kadakuada nga agipresenta iti kanayunan dokumento kas iti nagsina a tax declaration, deed of absolute sale, wenno registration documents nu pudno nga agduma dagiti sanikua a naipresenta tapno paneknekanda ti punto dagitoy sakbay iti senate impeachment court.
Inawagan met ni Sison a “hair-splitting” wenno panangpalawa laeng dagiti babasit nga issue ti argumento ti prosekusyon gapu ta nalawag iti rekord nga agpada dagiti sanikuan a naideklara iti SALN ti bise presidente iti inpresenta dagitoy.
