Agkidkiddaw iti kooperasyon ken panaganus ti La Trinidad Water District kadagiti consumer dagitoy kagiddan ti mapaspasaran nga epekto ti El Nino.
Sigun kenni Engr. Oliver Taule, General Manager ti nasao a water district, umdas paylaeng ti supply ti danum iti agdama ngem makidkiddaw ti kooperasyon ti umili nga agtipid iti danum ken aganus iti kanito a ma-implementar ti rotational schedule.
Innayon ni Engr. Taule a nakasagana dagitoy iti posible a nakaro nga epekto ti El Nino ken tuloy-tuloy metlaeng ti daily monitoring dagitoy.
Innayunna pay a nagnayun metten dagitoy iti pipes a maaramat bumaba ti lebel ti danum.
Nagbalakad ti opisyal kadagiti consumer dagitoy a posible a maadaan iti rotational schedule rason a maguyguyugoy ti publiko a maadaan iti tangke.
Imbinglay ti nasao nga Engr. nga iti agdama, adaan ti LTWD iti 23 a water sources no sadinno 19 ti deepwells bayat a 4 ti springs.
Impeksa pay ni Taule a manarimaan ti well drilling sadiay Lamtang kas panagsagana iti El Nino a nangrugi idi bulan ti Setiembre.//Bombo Noveh Organo
