Naitaray iti ospital ti pito nga indibidual, dua a menor de edad a pakairamanan ti maysa a nga ubing kalpasan kalpasan a natnag ti nagluganan dagitoy sadiay Baragay Salud Mitra, Baguio City ita a Sabado, Nobiembre 14, 2026.
Iti inisial nga impormasion a nakalap ti Bombo Radyo manipud kadagiti Barangay opisial ken sumagmamano a residente, kinuna dagitoy a pasang-at iti kalsada ti nasao a lugan manipud iti nagparadaanna.
Nupay kasta, maatap a nabitin ti lugan agingga nga immatras rason tapnu matnag.
Iti panagturung ti Bombo Newsteam iti nakapasamakan ti insidente, awan ti harang a naikarga sadiay rason tapnu nagderetso a natnag ti lugan.
Sigun iti asawa ti driver, pasubli kuman dagitoy iti hotel dagiti siam nga indibidual idi napasamak ti insidente.
Kabayatanna, dagus a nagresponde ti 911 on call, pulisya ken opisiales ti Barangay.
Iti agdama, manarimaan paylaeng ti kanayunan nga imbestigasyon ti pulisya.//Bombo Noveh Organo
