Binallagaan ti Malacañang dagiti amin a mangipatpatungpal ti protesta nga agtulnogda latta iti linteg nu mangipatpatungpalda kadagiti demonstrations.
Nagballaag ni Palace Press Officer Undersecretary Claire Castro nga agtulnogda kuma kadagiti polisiya ken pagalagadan ken saan dagitoy a mangipatungpal kadagiti tignay protesta kadagiti no rally zone.
“Malaya ang mga protesters sa kanilang expression, right to assembly, pero hindi dapat sosobra at hindi dapat nava-violate ang batas”, sigun kenni Castro.
Maipalagip a naarestar ti lima nga indibidual idiay Liwasang Bonifacio, Manila kalpasan a pinilitda a mangisayangkat iti protesta iti ruwar iti naidesignar a freedom park.
Kabayatanna, pinaglibakan ti grupo nga Anakbayan ti akusasyon dagiti otoridad a panangabuso iti freedom park idiay Liwasang Bonifacio kalpasan a naduktalan dagiti rugit ti tao sadiay.
Sigun iti nasao a grupo, nadanunandan dagiti rugit ti tao iti nasao a parke sakbayda a nangipatungpal iti demo kontra iti pannakaimuntar iti Pax Silica iti pagilian a Pilipinas.
Maipalagip a nangipatungpal dagiti nagduduma a grupo iti protesta idi kalman kagidan iti panagrugi iti ASEAN Summit 2026 no sadino tubtubngarenda ti implementasyon ti Pax Silica ken panagbisita ni US President Donald Trump tii pagilian a Pilipinas.
