Maisingsingasing ti pannakapabaru ti official seal ti siudad ti Baguio.
Makita iti agdama a seal ti water falls, naisurat a City of Baguio, 1909, Zigzag Road ken dadduma pay.
Iti pannakiuman ti Bombo Radyo kenni Atty. Elmer Datuin, Konsehal ti Baguio City, kinunana a sumagmamano ti mangibagbaga a saan daytoy a representasyon ti siudad.
Nupay kasta, saan nga umanamong ti konsehal iti maisingsingasing a pannakapabaru ti seal.
Umap-apela ni Councilor Datuin a pagtalinaeden latta ti sigud a seal ti siudad agsipudta sigun kenkuana, awan metlaeng ti nagbaliwan ti seal a mapampanggep a maisukat.
Innayun pay daytoy nga agsaysayang laeng dagitoy iti oras nga agpanunut iti baru a desinyo.
Inyunay-unay ti konsehal a historikal ti sigud a seal a kas metlaeng iti masingsingasing a seal.
Namnamaen ni Councilor Datuin a mapagsasaritan daytoy iti City council, tapno ipeksana ti kapanunutan na a saan nga umanamong iti pannakapabaru ti seal ti siudad ti Baguio.//mp4











