Nainget a bambantayan ita ti La Trinidad Municipal Police Station ti panagraira dagiti mannibrong iti Munisipyo ti La Trinidad.
Sigun kenni PLTCOL Elpidio Pagoy, Officer in Charge iti LTMPS , kadawyan a mapaspasamak a krimen ket ti theft ken physical injury kangrunaan iti sentro ti munisipyo.
Kinuna pay ti nasao nga opisyal a kadawyan a pakapaspasamakan ti panagtakaw ket kadagiti boaridng houses ken establishments no sadinno agserserbi kas modus dagitoy ti salisi.
Imbinglay pay daytoy a maad-addressan metten dagitoy babaen kadagiti naimumtar a CCTVs kadagiti nagduduma nga establisimento.
Inlawlawag ti nasao nga opisyal, nga iti agdama, awan pay dagiti namonitor a grupo dagiti mannibrong wenno indibidual a resident metlaeng ti nasao a munisipyo.
Iti baet amin dagita, impeksa ni PLTCOL Pagoy a generally peaceful iti munisipyo iti La Trinidad nu idilig iti napalabas a tawen kalpasan a bimababa iti crime incidence sadiay.
Sigun iti monthly monitoring ti pulisya iti Focus Crimes idi bulan ti Enero, adda ti 11 a krimen a nailistada ; 14 krimen idi Pebrero , wallo idi Marso; 10 ti Abril; 8 idi Mayo; 9 idi Hunyo; pito idi Hulyo; dua idi Agosto; 7 idi Setyembre ken sangapulo idi Oktobre. Kabayatanna, manipud Nobyembre 1 agingga Nobyembre 15, adda iti dua a nailistada a krimen.
Dagiti focus crime dagitoy ket pakairmaan ti murder, homicide, rape, physicial injury, robbery, theft ken carnapping iti motor ken lugan.
Kabayatanna, agpalpallagip ti opisyal kadagiti residente iti panagsecure da kadagiti babbalay ken kagawaan tapnu saan a mabiktima ti salisi.











