--Ads--

Impaulog ti Senate impeachment court ti show cause order kontra iti pannakangiwat ni Vice President Sara Duterte a ni Atty. Paolo Panelo Jr.


Daytoy ket gapu iti komentona a maatap a bias dagiti sumagmamano a senator-judges.


Indatag ni Senator-judge Erwin Tulfo ti pakaseknan mainaig iti statement ni Panelo iti maika-45 nga aldaw ti impeachment trial ni Duterte ita nga aldaw.


Maipalagip nga immuna a kinuna ni Panelo sa sumagmamano kadagiti senator-judges ti agak-akem kas prosecutors.


Nupay kasta, kinuwestionaran ni Tulfo no umno ti inaramid ni Panelo a panagkomento kadagiti senator-judges ti impeachment court.


Inlawlawag met ni Senate impeachment presiding officer Francis Escudero a saan nga abogado ni Panelo wenno testigo iti trial, isu’t gapuna a saan a saklaw ti sub judice ruling wenno ti pannakaiparit ti public comments, panangibutaktak, wenno diskusion iti merits ti maysa a pending case.


Iti baet daytoy, kinuna ni Escudero nga iti supplementary application ti Rules of Court, partikular iti Rule 71 ti Rules of Contempt, mabalin paylaeng a patawan ti korte ni Panelo iti pannausa mainaig iti komento dayotoy kontra iti korte.

Kabayatanna, impeksa ni Atty. Salvador Paolo A. Panelo, Jr. a nakasagana daytoy a sangwen ti Show Cause Order nga impaulog ti Senate Impeachment Court.