--Ads--

Nakalukat ti voter registration para iti May 2028 Local and National Election para kadagiti agtawen iti 18 yrs old agpangato, nagrugi daytoy idi November 10, 2026 ken agpatingga intun July 2027.


Iti pannakiuman ti Bombo Radyo kenni Atty. Reyman Solbita, Election Officer ti Tabuk City kinunana, nga iti umuna nga aldaw adu dagiti magagaran nga agparehistro gapu iti pagarupda a bassit laeng nga aldaw ti impaay ti COMELEC.

Nupay kasta, bimassit ti agpaparehistro kalpasan a naammoan dagitoy nga inggana intun July 2027.


Namnamaen daytoy, a ti kinaatidog ti voter registration ket agparehistro dagiti amin a saan pay a nakarehistro kas dagiti agtawen iti 18 ken dagiti immakar a nagapu iti sabali a lugar.


Manamnama nga intun Disyembre wennu sumaruno a tawen, ipapati dagitoy nga ag-mobile registration wennu satellite registration para kadagiti barangay nu sadino, umasideg dagitoy kadagiti saan a makaumay iti opisina a kas kadagiti senior citizens, PWDs ken PDL.

Adda metlaeng ti Register Anywhere Program (RAP) a programa iti COMELEC, nu sadino mabalin nga agparehistro babaen iti panagturong kadagiti COMELEC a mangidia-diaya iti daytoy a programa.


Imbinglay ti opisial a ti maysa a problema dagitoy ket dagiti double registrants, nu sadino idaromda dagiti nangigagara a nagdoble a nagparehistro.


Kabayatanna, work from home dagiti COMELEC iti Mondays agingga iti bulan ti Marso nu sadino, silulukat dagitoy iti Tuesday-Friday ti 8:00 a.m ingga 6:00 pm ken Sabado/holidays ken agingga laeng iti 8am-5pm.


Kinnidawna nga ag-ala iti Valid ID a nakaexerox iti maysa a kopya ken ada iti libre a forms nga ipapaayda ken mabalin metlaeng nga edownload daytoy.| via Bombo Syra Calion