--Ads--

Pinirmaan ni President Ferdinand Marcos, Jr. ti maysa a linteg a mangbenepisyo dagiti estudyante iti K12 a napilitan nga umuneg iti pribado a pagadalan gapu iti congestion kadagiti pampubliko a pagadalan.


Sakupen ti nasao a programa mangrugi kadagiti agkindergarten ken elementary school para iti School Year 2027-2028.


Iti sidung ti nasao a linteg wenno ti Republic Act No. 12327 a naawagan iti Basic Education Voucher Assistance Act, mangipaay ti gobyerno iti pinansyal a tulong kadagiti estudyante a nagtaud iti maibilbilang a middle-middle household wenno nababbaba pay kas maibasar iti equivalent income classifications.


Ti nasao a programa ket maipatungpal kadagiti amin a rehiyon pakairamanan ti Bangsamoro Autonomous Region in Muslim Mindanao (BARMM). Nupay kasta, maipangpangruna dagiti lugar a kangatuan iti kasona it public school congestion.


Maipaay met ti gundaway kadagiti kwalipikado a benepisyaryo nga agpili kadagiti kayatda a pribado a pagadalan iti sidung ti registry nga imanmanehar ti Department of Education (DepEd).