Kiddaw ni Councilor Rocky Aliping, ABC President iti siudad kadagiti amin a kandidato a tumulong dagitoy nga ikkaten dagiti campaign materialsda kalpasan ti eleksyon, nangabak man dagitoy wenno saan.
Iti panakiuman ti Bombo Radyo kenni Councilor Aliping, nakasagana dagitoy nga agdalus ken mang-ikkat kadagiti tarpaulins wenno anyaman nga election paraphernalias dagiti kandidato.
Ngem, agbalbalin a pakaseknan kadagitoy no kasano a madispose dagiti tarpaulis nangruna ket mabaybayadan ti tunngal kilo a basura iti siudad a maiturturong sadiay Urdaneta.
Gapu iti dayta, kinuna ni Aliping a no mabalin ket marecycle dagiti campaign materials kas iti panagaramat kadagitoy iti fashion wenno daduma pay a banag.
Kabayatanna, impeksa ni Aliping a sakbay ti eleksyon ket nasken kuma a suruten dagiti kadidato dagiti pagalagadan ti Commission on Elections kas iti umno a size ken ti panangipaskil kadagiti umno a lugar.
