--Ads--
Impaganetget ti Department of Education nga agleppas ti school year 2023-2024 intun Mayo 31 iti agdama tawen, bayat a mangrugi ti sumaruno nga academic year, intun Hulio 29, 2024.
Paset daytoy ti panagtungpal ti nasao a departamento iti direktiba ni President Fredinand ”Bongbong” Marcos Jr., maipapan iti panakaisubli ti old school calendar intun sumaruno a tawen, gapu iti mapaspasaran ti pagilian a kinabara ti panawen a mangapapektar iti panagadal dagiti estudyante.
Mainaig iti dayta, naisubmitir kenni President Marcos Jr. ti uppat a singasing maipapan iti school break, no sadino mangpababa daytoy iti class calendar ti sumagmamano a lawas manipud 180 agingga iti agarup 165 nga aldaw.
