Nagsaon ni actress Maris Racal maipapan iti nagwaras a private conversation dagitoy kenni Anthony Jennings.
Iti video post ti kapamilya network, agsangsangit nga inaklon ti actress nga adda ti nagbasolanna.
Sigun kenkuana, bayat ti panagtrabaho dagitoy a dua ket ad-adda met a natennag ti rikna daytoy iti aktor agsipud ta ti pagarupna ket single ti aktor ngem saan gayam.
Kinunana nga idi nabasana ti screenshot a nagwaras iti social media ket naklaat, nakarikna iti pannakaibabain ken nagduduma agsipud ta nabasa ti publiko daytoy nga awanan iti pammalubosna.
Ditoy met a naamirisna ti rason a saan a nangiruar ni Jennings iti statement iti immunan nga isyu dagitoy agsipud ta saanda paylaeng a nagsina iti gayyemna a ni Jam Villanueva.
Nupay kasta, emosyonal a nagkiddaw ni Racal iti pammakawan iti nagbalin nga aksyonna seknan iti isyu dagitoy.
Inaklonna metlaeng a ti panagriknana iti bagina ket lamu-lamo bayat a rumrumuar gapu paylaeng iti napasamak.
Kinunana a saanna nga ammo ti pagturunganna, saanna a mabiruk ti dignidadna ken dadduma pay.
Iti baet dayta, impasiguradona nga ituloyna latta ti karerana iti baet a narigat para kenkuana.
