Balligi ti naipatungpal nga Oplan Baklas idiay Tabuk City, Kalinga idi a kalman.
Sinigurado dagiti otoridad a dagiti laeng posters ti national candidates ken partylists ti inikkat dagitoy.
Iti pannakiuman iti Bombo Radyo kenni Atty. Gustavo Dalen, Election Officer iti Tabuk City Kalinga, kinunana a dagiti laeng posters ti national candidates ken partylists nga adda iti parapubliko a lugar ti innikkatda.
Naobserbaran a kaadwan kadagiti nakaikabilan dagiti campaign materials ket kadagiti kaykayo wenno poste kadagiti kalsada.
Sigun ken Atty. Dalen, dumanon iti mapatta-patta a walo pulo(80) a tarpaulin ti binaklasda idi kalman.
Karaman iti nasao nga operasayon dagiti kameng iti pulisya.
Manamnama met a maituloy ti nasao nga operasyon intun sumaruno a lawas nu sadino, posible a makadwa dagitoy dagiti kameng iti Department of Public Works and Highways(DPWH).
Kabayatanna, namnamaen ni Atty. Dalen a madanunda dagiti dadduma a paset ti Tabuk City agsipudta maysa daytoy kadagiti kalawaan a paset ti Probinsya iti Kalinga
Iti agdama, addan dagiti naituding a nalawa poster areas ngem agtaltalinaed nga adda dagiti agdisplay kadagiti maiparit a disso.//mp4
