--Ads--
Dumanon iti agarup 29 nga indibidual ti pimmusay sadiay Bicol region bayat a siyam ti nadangran ken uppat ti mapukpukaw gapu iti bagyo a Kristine, sigun iti Philippine National Police.
Dagiti pimmusay gapu iti panakalmes ket nailista sadiay Camarines Norte, Camarines Sur, Sorsogon ken Naga City bayat a dagiti pimmusay gapu iti paangregaay ket nairekord sadiay Albay ken Catanduanes.
Malaksid iti dayta, sumagmamano nga indibidual ket pimmusay gapu iti panakatnag ti kayo, electrocution,vehicular accident ken daduma pay.
Manamnama met a manayunan dagiti bilang dagiti naapektaran gapu iti bagyo kagiddan ti maipatpatungpal a search and rescue operations.
