Naipatungpal ita nga aldaw idiay Benguet Sports Complex ti orientation ken Memorandum of Agreement (MOA) signing para iti implementasyon ti Tulong Panghanapbuhay sa Ating Disadvantaged/Displaced Workers (TUPAD) Program no sadino dumanon iti agarup 582 a mannalon, mangngalap ken transport workers idiay La Trindad, Benguet ti manamnama nga agnumar manipud iti nasao a programa.
Nagpirma iti MOA ti Department of Labor and Employment kadua ti Department of Agriculture, National Irrigation Administration, ken lokal a gobyerno ti La Trinidad kas panangpapigsa iti panagtitinnulong dagitoy iti panangipatungpal iti nasao a programa.
Naimpormaran met dagiti benepisyraryo kadagiti pagalagadan, benepisyo, ken proseso ti panangipatungpal iti programa sakbay iti panagrugi iti emergency employment.
Ti implementasyon ti TUPAD ket babaen iti Unified Package for Livelihoods, Industry, Food, and Transport (UPLIFT) nga idadauloan ni President Ferdinand R. Marcos Jr. no sadino panggep daytoy nga ipaayan ti dagos a kita dagiti kwalipikado a mangmangged iti impormal a sektor. //kcs//
