--Ads--
Dumanon iti agarup 96 nga indibidual ti pimmusay gapu iti dust storms, kimat ken napigsa a panagbayakabak ti tudo sadiay India idi May 13-14, 2026.
Sigun kadagiti maseknan nga opisiales, dumanon pay iti 50 nga indibidual ti nadangran.
Kaaduan kadagiti pimmusay ket gapu iti pannakatnag dagiti kayo, pannakarba dagiti estruktura ken kimat.
Kabayatanna, nagaramat dagiti polis ken disaster response team iti chainsaw ken crane tapno maikkat dagiti natnag a kayo manipud kadagiti kalsada ken riles ti tren, partikular kadagiti sumagmamano a distrito ti nasao a pagilian.
