BAGUIO CITY- Nakumpiskar manipud iti dua a babai ti tallo a pidaso ti heat sealed transparent plastic sachet a naglaon iti maatap a shabu nga agdagsen iti mapattapata a 20 grams idiay Magsaysay, Baguio City.
Addaan daytoy iti gatad nga agarup P136,000.00.
Dagiti suspek ket agpada a residente sadiay Quirino Hill, Baguio City, agpada nga awanan trabaho ken awanan asawa.
Maysa kadagiti suspek ti agtawtawen iti 24 ken nabibig a ni alyas princess bayat a ti maysa kadakuada ket agtawen iti 22.
Malaksid iti dayta, nakompiskar kadagiti suspek ti P500 genuine bill, bogos a P500 Bill; 21 a pidaso ti P500 boodle money, maysa nga empty marlboro red, dua a nagduma a brand ti cellphonE ken dua a pidaso ti lighters.
Balligi a naipatungpal ti operation babaen iti Special Operation Unit – CAR (SOU CAR).
Dagiti nakemmeg a suspek ket temporaryo a naipasidung ti kustodiya ti nasao nga ahensya kabayatan ti panakisagana ti kaso dagitoy.
Kabayatann, naiturong dagiti nakompiskar a droga iti Regional Forensic Unit-CAR idiay Camp Major Bado Dangwa, La Trinidad, Benguet para iti Qualitative ken Quantitative Examination.//Bombo Noveh Organo
