Impaganetget ti House Committee on Higher and Technical Education Chair Jude Acidre a rumbeng a pisikal a dumar-ay dagiti senador iti impeachment trial ni Vice President Sara Duterte tapno mabukel ti umno a pangngeddeng.
Daytoy ti kinuna ken reaksion ni Acidre iti mapagsasaritaan a posible a patgn dagiti sumagmamano a Senador a makipaset iti trial dagiti sumagmamano a senador babaen iti remote wenno online participation.
Sigun kenni Acidre, napateg ti pisikal a presensiya gaputa, ditoy laeng a makita dagiti detalye a saan a makita iti screen, kas iti garaw dagiti testigo ken tension iti nagbaetan ti prosecution ken defense.
Inlawlawag ti mammanday-linteg a numan pay naakseptar ti virtual attendance kadagiti sumagmamano a hearing ti Kongreso sipud pay idi pandemia, nagduma ti sitwasyon iti maysa nga impeachment.
