PANGASINAN – Ammo yo kadi ka-bombo nga adda ti agassawa idiay Brgy. Bega, San Carlos City, Pangasinan ti nakabukel pay ti triplets iti baet ti tawen dagitoy?
Saan a ninamnama dagiti aglive-in partner a da Romulo Perez ken Cecilia Macam a makapasngay pay dagitoy ti triplets iti baet a lakay ken baket dagitoyen.
Nupay kasta, nasorpresa ken naragsakan dagitoy gapu ta imbilangda dagiti triplets a bendisyon para kadakuada.
Nasurok maysa a tawenen nga aglive-in partner dagiti agasawa ken agpada metlaeng dagitoy a balo no sadino addaan ti pito nga anak ni Romulo bayat nga innem kenni Cecilia.
Iti baet dayta, inaklon dagiti agasawa nga agkurang ti paglaklakuan dagitoy kadagiti basket nga ar-aramidenda a pangsuportar kadagiti triplets.
Kiddaw met da Romulo ken Cecilia a dumakkel dagiti triplets a nasalun-at, nasingpet ken addaan buteng iti Namarsua.//Bombo Rosemarie Bulsao
