Intalek ti House prosecution panel iti Senate Impeachment Court ti desision wenno discretion ti agidgiddan a pannakaiproseso ti impeachment case ken criminal case ni Vice President Sara Duterte.
Sigun kenni House Legal Spokesperson Benjamin Tolosa Jr., bay-anen ti House panel ti local court ken impeachment court nga agdesisyon no paburanda ti kiddaw ti kampo ti bise presidente a saanen a maituloy ti criminal case agsipudta immabante metlaeng ti impeachment complaint.
Nagramot ti criminal case kontra kenni VP Sara iti panagpangtan kenni President Ferdinand Marcos Jr., First Lady Liza Araneta-Marcos ken presidential cousin a ni Rep. Martin Romualdez idi November 2024.
Iti nasao metlaeng nga isyu ti maysa kadagiti grounds wenno basaran ti impeachment complaint kontra kenni VP Sara.
Iti baet daytoy, kinuna ni Tolosa a nagduma ti liability ken quantum of evidence a kasapulan iti dua a nagsina a proceedings no aggiddan nga umabante ti ti impeachment trial ken ti criminal case kontra iti Bise presidente.