Nabigbigen dagiti otoridad ti motorsiklo a nasarakan a naabandona idiay Antamok, Camp 3, Tuba, Benguet a maatap a nagserbi kas getaway motor vehicle ti 2 a suspek iti maatap a roberry (hold-up)discharge of firearm ken violation of RA 10591 iti gasolinaan idiay Camp 3, Tuba, Benguet idi Mayo 24, 2026 iti oras iti alas-9 iti rabii.
Iti report iti pulisia, idi May 26,2026, dagiti kameng iti Tuba MPS ket nangipatungpal iti engagement iti RUSI Region 1- LRCI (Luzon Ram Cycled Inc.) Baguio Outlet maipapan iti rekord iti motorsiklo ken nu siasino agtagikua a nagatang manipod kadakuada.
Nakikoordinar iti nasao nga opisina iti BCPO Police Station 1 ken maibasar iti panagberipikar ken information gathering a naipatungpal, naduktalan a ti agtagikua iti plaka a naikabit iti motor ket kukua ti agtawen ti 40, maysa a drayber.technician, ken residente iti Barangay San Luis, Baguio City.
Nakayuman dagiti otoridad ti lalaki seknan iti pannakapukaw ti license plate number nu sadinno nakaipaay daytoy ti dokumento kas pammaneknek a ti license plate number ti motor daytoy ket maatap a naawan wenno natakaw idi May 7, 2026 iti lugarda.
Kalpasan daytoy, nagturong dagitoy iti BCPO Police Station 3 tapno kitaen nu adda ti report a mapukpukaw a motor ken kanayunan a panagdamag para iti posible a Person of Interest wenno suspek.
Nagturong metlaeng dagitoy iti BCPO Police Station 2 tapno maikoordinar ti kasoda iti AOR seknan iti Roberry with Intimidation no sadinno agpada ti modus operandi ti naobserbaran. Naamuan a dagiti perpetrators ket nagaramat ti natakaw a motor ken natakaw metlaeng a plate number kas getaway vehicles.
Kalpasan nga aramidenda ti panagtakaw kadagiti mabiktimada, dagos nga idispose wenno ibellengda ti getaway vehicle iti sabali a lugar.
Iti sabali a bangir, bayat ti agtultuloy a panangipatungpal iti followup investigation iti napasamak nga insidente, nakaawat dagitoy iti report manipod iti maysa nga indibidual a ti nakaparada a luganda nga asideg ti coffee house dagitoy, sumagmamano a metro manipod iti gasolinaan ket addan ti abot iti roof gutter nu sadinno mapapati a gunshot hole daytoy.
Nakumpirmar met ti otoridad a daytoy ket gunshot hole ket dagusda met a nakikoordinar iti PFU para ti tulong.
Narekober manipud ti lugan ti maatap a slug/ bullet ti Cal.45.
Naiturong met daytoy iti Bengiet PFU crimelab para ti kanayunan nga examination.
Kabayatanna, naka-extract dagitoy ti cctv footages iti igid iti Kennon Road para ti kanayunan a possible a “link” iti garaw dagiti suspek.
Agtultuloy met latta ti imbestigasyon seknan iti nasao nga insidente.
Maipalagip a dua a lalaki a saan pay a nabigbig nga armado ti ken immuneg iti gas station a nagdeklara ti hold-up no sadinno nasurok P260, 683.00 ti naitaray dagitoy ken napasamak ti pammaltog iti nasao a lugar sakbay dagitoy a pimmanaw nga usar iti nangisit a yamaha mio a motor.
Iti report, nagpapaltog ti maysa kadakuada kalpasan a nabutnganda (threatened ) gapu ta ginandat dagiti residente nga agresponde tapnu saanda a makapanaw.
Iti panagturong met ti otoridad iti area, narekober ti innem nga empty shells, 3 a mapapati nga empty shells ti 9mm pistol ken 3 nga empty shells iti cal. 45 pistols.
Sumagmamano nga oras, narekober metlaeng ti motor ken dua nga helmet iti baba ti barangay road a paturong idiay Antamok, Camp 3, Tuba, Benguet kalpasan a nakita ken inreport daytoy ti maysa a residente kadakuada.
Positibo a binigbig met ti maysa kadagiti empleyado ti gasolinaan dagiti helmet a nasarakan dagitoy nga inaramat dagiti suspek. | via Bombo Noveh Organo
