Inaklon ni dismissed Bamban Mayor Alice Guo a nakasagana isuna nga inaganan digiti kangatuan nga indibidual nga adda iti likudan ti Philippine Offshore Gaming Operations ken dagiti opisiales ti gobierno a timmulong iti panagtalwana iti pagilian a Pilipinas.
Daytoy ti kinuna ni Guo kabayatan ti executive sessionn ti Senate committee on women, children, family relations, and gender equality idi September 24, 2024.
Kabayatanna, napaboran ti kiddaw ni Guo a maisayangkat ti closed door session a kadwanana dagiti Senate panel iti opisina ni office of Majority Leader Francis Tolentino kalpasan nga impaganetget ni Guo a saan nga isuna ti “mastermind” iti illegal a POGO operations sadiay Bamban, Tarlac.
Inladawan ni Guo a maysa laeng daytoy a biktima, saan a guilty ken saan a nausar para iti illegal a POGO, nu sadino patienna nga ammo daytoy ti committee nangruna ti chairperson iti imbestigasion.
Naangay ti closed door seassion iti sumagmamano a minuto gapu iti naituding a session sadiay senado.
Nupay kasta, kinuna ni Senator JV Ejercito nga adda ti nagun-odda iti napasamak a close door session ken inkari ni Guo a langipenna ti amin intun sumaruno a session a maangay iti sumaruno a lawas ti agdama a bulan.
