Pinapatay ti maysa nga ama ti asawana ken dua nga annakna babaen iti panangbagbagsolna kadakuada iti uneg ti pagtaenganda idiay Purok Kamangahan, Barangay Lutac, Naga City, Cebu, pasado alas dies itay agsapa, January 27, 2025.
Nabigbig ti suspek a ni Carlo Camporedondo bayat a dagiti biktima ket da Junelyn Jimenez, 32-anyos, John Carlo Camporedondo, 11-anyos ken LJ Camporedondo, 2-anyos.
Maibasar iti inisyal a report, kutsilyo ti inaramat ti suspek a nangbagbagsoly iti pamilyana sakbay a naglibas iti kakaykaywan.
Manarimaan met ita ti manhunt operation ti Naga City Police Station para iti pannakatiliw ti suspek.
Naduktalan met kadagiti kakabagyan ti suspek ken dagiti biktima a masansan ti panag-apa dagiti agasawa sakbay a napasamak ti krimen.
Maysa a kitkitaen dagiti otoridad a motibo ti suspek iti panangpapatayna iti pamilyana ket ti maatap a panagaramatna iti iligal a droga agsipud ta siguden a naipaisidong iti rehabilitation.
