Pagsagsaganaanen ti Armed Forces of the Philippines (AFP), ti panggep ti China a fishing ban iti uneg ti exclusive economic zone iti West Philippine Sea.
Sigun kenni Armed Forces of the Philippines (AFP) spokesperson Colonel Francel Margareth Padilla, saan dagitoy nga ipalubos ti nasao a fishing ban agsipud ta kukua ti Pilipinas ti nasao a baybay isu’t gapuna nga awan ti karbengan dagitoy.
Kinuna nga adda kanayon nga adda dagiti patrols iti nasao a baybay bayat a nanayunan dagiti agbanbantay sadiay.
Gapu iti daytoy, impasigurado ti nasao nga opisyal a nakasagana dagitoy a mangsuportar ken tumulong kadagiti maritime law enforcement agencies pakairamanan ti Philippine Coast Guard ken iti Bureau of Fisheries and Aquatic Resources, mainaig iti fishing moratorium ti China kasta met ti baro a polisiya dagitoy a mangipalubos kadagiti coast guard a mangtiliw kadagiti trespassers iti aglawlaw ti nasao a baybay.
Kabayatanna, al-allukuyen ni Padilla dagiti mangngalap a Pilipino nga ituloyda ti panagkalap iti baet dagiti pangta ti China.
