Pinaglibakan ti Armed Forces of the Philippines (AFP) ti pammabasol a tinutukanda ti paltog dagiti kameng ti China Coast Guard (CCG) bayat a nakalayag dagitoy iti uneg iti West Philippine Sea.
Daytoy ti kinuna ni AFP chief of staff Gen. Romero Brawner Jr. ita nga aldaw kalpasan ti alegasion ti China Coast Guard, banag a naipablaak iti sa social media post iti China-owned CCTV.
Immuna a kinuna ti Beijing a napasamak ti insidente idi napalabas a tawen.
Inlawlawag ti opisial nga agtultulnog dagiti personnel babaen iti Rules of Engagement (ROE) ken agtigtignay dagitoy nga addaan iti kangatuan a lebel ti propesionalismo, panagteppel, ken disiplina iti panangipatungpal ti misionda a mangsalaknib iti soberanya ti Pilipinas.
Itay laeng nabiit, nangiruar ti Chinese media iti video iti dua a suldado a Pilipino nga asideg iti Ayungin a maatap a naka-iggem ti paltog iti barko.
Impaganetget ti China Coast Guard a naitutok kadakuada dagiti armas.
Agtultuloy latta ti panangikalintegan ti China a kukuada iti amin a South China Sea, lugar nu sadinno ti West Philippine Sea.
Masarakan pay sadiay ti Ayungin Shoal, nga adda iti uneg iti 200-nautical exclusive economic zone (EEZ) iti Pilipinas.
