Pinasingkedan ti Armed Forces of the Philippines ken Philippine National Police (PNP) nga agtalinaedda a propesional ken loyal iti konstitusion, chain of command, ken ti presidente ti Pilipinas kas Commander in Chief, kalpasan nga inawagan ni Davao Del Norte 1st District Representative ken Philippine Marine Corps Reserve Colonel Pantaleon Alvarez dagitoy nga isardengdan ti panangsuporta iti administrasion ni Presidente Ferdinand Marcos Jr.
Sigun kenni National Security Adiviser Secretary Eduardo Año, awan ti nakaibatayan ti imbaga ni Alvarez ken aniaman nga awag ti maysa a public official wenno high-ranking reservist officer maipapan iti saan panangsuporta iti administrasion ket saan laeng nga iresponsable no di ket ilegal ken saan pay a maitunos iti konstitusion.
Impaganetget ni Año a patas ti armed forces nga agserbi iti intero a pagilian ken agtultuloy nga agtalinaed ti Armed Forces of the Philippines ken Philippine National Police a suportado iti administrasion, isut gapunna a saan koma a guyoguyen ni representative Alvarez dagitoy tapno agserbida iti partisan agenda wenno bukodda nga interes.
Kabayatanna, imbilin ti Philippine Navy iti 9th Marine Brigade a mangisayangkat dagitoy ti imbestigasyon kontra kenni Alvarez.
Malaksid iti dayta, binilin pay ti nasao nga ahensia nga ilawlawag ni Alvarez ti maipapan iti imbagana kontra iti agdama nga administrasion.
