Nakasangpeten ti asawa daydi Police Colonel Pergentino “Bong” Malabed Jr. sadiay Washington D.C. itay agsapa, oras ti Pilipinas tapno bigbigenna ti bagi ti asawana a maysa kadagiti pimmusay iti napasamak a collision ti pasenger jet ken ti Black Hawk helicopter.
Iti panagsangpet ni Rio Malabed iti Reagan National Airport, daytoy ket sinabat da Police Attaché Police Colonel Moises Villaceran Jr. ken Consul General Donna Rodriguez.
Inyebkas met ti Philippine consulate sadiay Washinton ti panakipagladingitda bayat nga impasiguradoda ti panakaipaay iti tulong kadagitoy.
Nagyaman met ni Rio kadagiti amin a tumultulong ken mangsupsuporta kadakuada nagruna ita a panawen.
Awan pay met ti klaro a panakarepatriate ti bagi daydi Malabed Jr. nangruna ket maberipikar pay ti bagina kasta met a kasangsangpet ti asawana.
Maipalagip nga iti collision ti pasenger jet ken ti Black Hawk helicopter ket pimmusay ti 67 a katao a pakairamanan ni Malabed Jr.
