Na-cite in contempt ti asawa ni sigud a presidential spokesperson Harry Roque a ni Mylah Roque gapu iti adu a daras a saanna a panangikankano iti imbitasyon a makipaset daytoy iti investigation on crimes seknan iti Philippine Offshore Gaming Operators (POGO).
Malaksid iti dayta, imbilin pay ti House Quad Committee (QuadComm) a maarestar daytoy.
Sigun kenni Abang Lingkod party-list Representative Joseph Stephen Paduano, naipaayan ni Mylah iti due process mainaig iti nasao a banag ngem saan a nakitabuno rason nga imbilinna ti cite in contempt.
Impetteng met ni QuadComm lead chairperson ken Surigao del Norte Representative Ace Barbers a namin-tallo a darasen a saan a nakipaset iti hearing.
Immunan metlaeng a nangipayulog dagitoy iti subpoena ngem imbaga ti committee secretary a saan daytoy a nakaawat iti aniaman a reply manipud kenkuana.
