Isagsagana ita ni Atty, Manases Carpio, asawa ni Vice President Sara Duterte ti panangipilana iti kaso a kriminal kontra kadagiti sumagmamano nga opisyal ti Bangko Sentral ng Pilipinas (BSP), Anti-Money Laundering Council (AMLC), ken dadduma a kongresista idiay Quezon City Prosecutor’s Office.
Karaman kadagiti pilaanna ti nasao a reklamo ket da BSP Governor Eli Remolona Jr., AMLC Executive Director Ronel Buenaventura ken dadduma miyembro ti Kamara kas kada House Committee on Justice Chair Gerville Luistro, Percival Cendañam Chel Diokno ti Akbayan Partylist ken Mamamayang Liberal Partylist Leila de Lima.
Daytoy ket gapu iti patien ni Atty. Carpio a pananglabsingda iti Anti-Money Laundering Act, Bank Secrecy Law, ken Data Privacy Act gapu iti panangiwaragawag iti sensitibo a banking records dagitoy iti asawana.
Kalpasan daytoy iti panangireport ti AMLC idiay Kamara iti agarup P6.77 billion a mapagduaduaan a transaksyon da Vice President Sara Duterte ken Atty. Carpio.
Impetteng ni Carpio, ilegal ti panangiparuwar kadagiti rekord ken panangaramat kadagitoy iti “black propaganda’ kontra iti pamilya Duterte nangnangruna iti tenga dagiti isyu iti politikal ken impeachment proceedings.
Nainget met a pinaglibakan dagiti sumagmamano a mammanday-linteg ti nasao nga alegasyon.
Sigun kenni De Lima ken Cendaña, saklaw ti bileg ti Kamara ti panagdengngeg iti impeachment ken saan a panaglabsing iti bank secrecy laws. Impetteng dagitoy a pasey daytoy iti panagtalantan iti financial transaction nu adda ti isyu iti posible nga anomalya. //bombokaren.c.s
