Pinilaan ni Atty. Manases Carpio ni sigud a senador Antonio Trillanes IV iti kaso a perjury.
Daytoy ket gapu iti panangidatag ni Trillianes iti maatap a pammabasol maipapan iti ill-gotten wealth dagiti agassawa a da Carpio ken VP Sara Duterte.
Maibasar iti maika-11 a panid ti reklamo a naipila iti prosecutor’s office sadiay Pasay, kinuna ni Carpio a naglaon iti “downright false, malicious, perjurious, defamatory ken pure black propaganda” dagiti sworn affidavit ken testimonia ni Trillianes idi Abril 21 ken 22.
Maipalagip nga iti affidavit ken testimonia ni Trillanes, kinunana nga adda ti sekreto a bank accounts da VP Sara ken Carpio kabayatan ti 2016 elections.
Sigun pay kenni Trillanes, konektado dagiti agassawa iti agarup P111.6 million a limed a bank accounts.
Impetteng ti sigud a Senador a ti nasao a kuarta ken maatap a nagtaud iti drug activities ti negosiante a nakabase idiay Davao a ni Sammy Uy.
