Impudno ti abogado ti pugante a ni Charlie “Atong” Ang a binilinna ti nasao a negosyante a saan nga agpatiliw kadagiti otoridad agingga nga adda pay ti legal remedies a mabalin nga aramatenda seknan kadagiti kaso a sangsangwen daytoy.
Sigun kenni Atty. Gabriel Villareal, saan pay a rumbeng a maibilang kas kriminal ni Ang gapu ta saan pay a simmango daytoy iti panagdengngeg ken iti declaration of guilt.
Innayon ni Atty.Villareal a nangipila daytoy iti omnibus motion iti Sta. Cruz Regional Trial Court tapno ireconsiderda ti panangipaiyulog dagiti warrant of arrests kontra iti kliyentena ken kadagiti 17 a daduma pay.
Patien ti abogado a kasapulan a maikkat ti bileg ti warrant of arrest kontra kenni Ang gapu iti kinunana a procedural lapses kabayatan ti preliminary investigation.
Innayonna a dagiti naipila a dokumento iti Department of Justice (DOJ) ket saan a kompleto.
Maipalagip nga idi Hwebes ket indeklara iti Department of the Interior and Local Government (DILG) ni Ang kas “number one most wanted” iti pagilian nu sadino, manarimaanen ti manhunt operation nga ipatpatungpal dagiti kameng iti pulisya para iti panakasarak daytoy.
Mainaig iti dayta, immuna metten a naipakaammo a mangidiaya ti gobyerno iti ₱10million a gungguna kadagiti siasinoman a makaipaay iti napateg nga impormasyon para iti panakatiliw daytoy.
