--Ads--
ABRA PROVINCE – Pimmusay ti maysa a babai kalpasan a nakuryente idiay Lagangilang, Abra.
Maibasar iti imbestigasyon, kinuna ti tatang ti babai nga agdaldalos daytoy iti paraanganda idi aksidente a na-iggemanna ti bombilya.
Innayona a posible a ti na-iggeman ti anakna ket ti ‘exposed silver cap’ ti bombilya a nakasaksak iti extension wire.
Natumba ti biktima ken posible a nadangran ti ulo daytoy iti bato iti paraangan dagitoy.
Naitaray ti biktima iti ospital ngem pimmusay metlaeng daytoy.
